有網民在facebook討論區轉載圖片講述儲錢故事，指有人4年無當長工，做保安散工也儲到100萬元，引起網友熱烈估計對方如何積小成多變百萬富翁。
相片中見到本月11日做半年定期的銀行單，存款為1000000元，利率5.25厘，7月到期時的利息為26034.24大元。數口精的網民連隨計數，指「4年儲100萬，即一年25萬，一個月2萬」、「30日，佢星期六日做埋，一日搵八舊」、「如果凈儲100萬，每月唔食唔住要儲20833元x48月，咁炒散+保安應該要接近35000元先生活到」、「如果你話你住屋企食屋企，搵25000元一個儲20000元洗5000元，好好恆心儲4年，都好勉強講得通」。
有人續指「一年儲25萬，當佢係公屋仔好慳洗，一年要搵35萬先圍到皮，一係每日煙駁煙咁返兩份先至有咁嘅可能......但好肯定咁返法一定辛苦過做長工」、「返兩份保安，24小時賺錢」。
有網友仔細計算，「如果佢2000蚊真係一個月嘅都可以，佢儲嘅起碼係15000蚊以上一個月，4000蚊就係家用，當佢住公屋1500蚊租，水電煤全部夾埋700蚊，上網費300蚊，即係2500蚊，跟住行路返工，一日三餐1500蚊咁咪可以1個月儲15000蚊」。
再有網民估計其生活細節，「住屋企畀2000元家用包埋佢食，每月基本支出主要咪車費電話上網費呢d，加埋呢幾年疫情根本就無娛樂有咩出奇」，有人則提醒「炒散唔代表係兼職，分別只係工資計日薪，而家好興經中介公司請人，中介公司網絡大，真係可以日日有工開」、「都有可能嘅！同屋企人住，唔駛上繳，唔出街，唔拍拖」、「如果長期開足工，一個月儲兩萬係有可能，最緊要忍到手放棄所有享樂」。因此有網友認為「做防疫保安是有可能」、「好多嘢事在人為，看更好處係仲可以屋企附近做，車錢都慳返」。
另有網民卻帶諷刺語氣指，「仲要唔使食、唔使住、唔使搭車、唔使著衫添、4年無病無痛 ，「仲要唔使養老豆老母，過時過節唔使畀錢老豆老母，唔洗交稅，無供保險」。說著，有網民則自爆儲錢大計「我諗過㗎啦，去做夜更保安，朝早再做一份，夜晚再返大堂瞓覺，租都唔洗交。中午去公廁沖涼，朝早果份做飲食嘅，慳多兩餐」。
見到如此好景，網民紛「求介紹」，問「邊間公司咁好，我都轉行啦」。不過有人錯重點，反問「依家定期有5.25厘咁高？」。
資料來源：星島日報、香港單身狗關注組
好工推介
職場熱話
- 1
- 2
-
deepseek 員工變國寶？傳核心員工唔准跳槽及出國！
TOP 1 -
消委會推可持續消費 提27個生活小貼士 做一件事每年慳300元？
TOP 2 -
馬航員工因車禍重傷請假4個月 被人踢爆病假期間爬樹玩藤球被炒 事後不滿告上法院
TOP 3 -
南韓15至29歲失業率攀升至7％ 每10名博士畢業生3人失業
TOP 4 -
返工屢遭上司情緒勒索及欺凌 打工仔離職後仍心有餘悸
TOP 5
-
各區民政署招聘選民登記助理及幹事 時薪分別為68.4及88元 另設額外津貼
TOP 6 -
迎接大灣區新機遇 與客戶共同書寫安心人生
TOP 7 -
修讀兩年免學費高等文憑並銜接大學課程 邁向建造業專業之路
TOP 8 -
返工掛住傾計被上司調位 男同事怒辭工作決定躺平
TOP 9 -
市道差 搵工難 打工仔應該點打呢場硬仗？
TOP 10
